Vir werkgewers

Ons weet dit kan oorweldigend wees om jou pad deur die arbeidsreg en menslike hulpbronne te vind, veral as jy 'n klein besigheid of 'n nuwe besigheid het. Ons doel is om dit vir jou eenvoudiger te maak, sodat jou besigheid nie net aan die wet voldoen nie, maar ook 'n werkplek is waar mense floreer.

• Beleide en kontrakte

  Dokumente op maat wat aan die wet voldoen en wys hoe jou besigheid werk en waarvoor dit staan.

• Wat jy as werkgewer bied (Employee Value Proposition of EVP)

  Ons help jou om duidelik en oortuigend te sê waarom mense vir jou wil werk, sodat jy goeie mense lok en jou beste mense hou.

• Prosesse vir menslike hulpbronne

  Ons maak jou prosesse vir menslike hulpbronne (HR) doeltreffend en wettig – van iemand se eerste werksdag tot die dag wat hy of sy loop.

• Werwing

  Ons gebruik ons kennis om die regte persoon vir jou span te vind, iemand wat maklik by julle manier van werk inpas.

• Dissiplinêre sake en griewe

  Ons hanteer hierdie sensitiewe sake professioneel, sodat die uitkoms regverdig en wettig is.

• Beter prestasie

  Ons help jou met planne wat produktiwiteit verhoog terwyl jou mense steeds tevrede bly.

• Jou naam as werkgewer

  Ons help jou om bekend te staan as 'n werkgewer waarvoor goeie mense graag wil werk (employer branding).

• Bemiddeling en die ERA

  Ons begelei jou deur bemiddeling (mediation) en sittings by die Employment Relations Authority (ERA), met die oog op 'n goeie oplossing.

• Uitplasing en oortolligheid

  Ons help om oorgange met deernis en volgens die wet te hanteer, sodat dit vir almal so min stres as moontlik veroorsaak. Dit sluit uitplasing (outplacement) en oortolligheid (redundancy) in.